“مستەفا هیجری”، لێپرسراوی گشتیی حیزبی دێموکراتی کوردستانی ئێران، لە پەیامێکدا هاتنی سەری ساڵی نوێی زایینیی لە مەسیحییەکانی ئێران و کوردستان پیرۆزبایی کرد.
دەقی پەیامەکە بەم چەشنەیە:
ساڵی نوێی زایینی و ڕۆژی لەدایکبوونی مەسیح پیرۆز بێت.
بەبۆنەی ڕۆژانی لەدایکبووونی حەزرەتی عیسای مەسیح و سەری ساڵی نوێی زایینی، پیرۆزبایی لە هەموو پەیڕەوانی ئایینی مەسیحی، بەتایبەت مەسیحییەکانی ئێران و کوردستانی ڕۆژهەڵات دەکەم.
هیوادارم ڕۆژانی ئەو جێژنانە، ڕۆژانی پڕ لە خۆشی و شادی و ساڵی نوێی زایینی ساڵێکی پڕ لە ئازادی و دادپه‌روه‌ری بێت بۆ هەموو لایەک.
حیزبی دێموکراتی کوردستانی ئێران
لێپرسراوی گشتی
مستەفا هیجری
سەرچاوە: کوردستان مێدیا
