یەکیەتیی ژنانی دێموکراتی کوردستانی ئێران له سوئێد بۆ بەرزڕاگرتنی هەشتی مارس رۆژی نێونه‌ته‌وه‌یی ژنان، سێمینارێکی بۆ ئەندامان و لایه‌نگرانی ئەو ڕێکخراوە لە شاری ڤێسترۆس بەڕێوە برد.
ئەم سێمینارە رۆژی شەممە رێکەوتی ٧ـی مارس لەژێر ناوی ”بارودۆخی ژنان لە سێ بازنەی جیهان، ئێران و کوردستان“ لەلایەن خاتوو ناهید حوسەینی، ئەندامی پێشووی کۆمیتەی ناوەندیی حدکا و ئەندامی دێرینی یەکیەتیی ژنان بەڕێوەچوو.
پرسی ژن له مێژووی كۆن و تازه‌ى رۆژهه‌ڵات و هه‌روه‌ها دۆخی مافه‌كانی ژن له‌سایه‌ى وڵاتانی داگیركار به‌تایبه‌ت له ئێران، مژاری سه‌ره‌كیی سێمینار بوو.
هاوكات شاندێكی کۆمیتەی گشتیی حیزب لە سوئێد بەشداری ئەم سێمینارە بوو و پەیامی کۆمیتە بەبۆنه‌ی هه‌شتی مارس لەلایەن مەولوود عه‌بدیلزادە به‌رپرسی كۆمیته‌ى گشتیی كۆمیته‌وه خوێندرایەوە.
