ڕۆژی یەکشەممە ڕێکەوتی ١ی جۆزەردان، “دانا ئەلیاسی” ئەندامی کۆمیتەی پەیوەندییەکانی حیزبی دێموکراتی کوردستانی ئێران لە دانمارک لەگەڵ بەرپرسی بەشی پەیوەندی و ڕێکخستنی حیزبی Enhedlisten لە هۆرسنس، هێدنستد، ڤایلە، بەڕێز “تووبیاس تۆرفینگ” کۆ بووەوە.
لە کۆبوونەوەکەدا “دانا ئەلیاسی” باسێکی لەسەر کێشەی کورد بە گشتی و بەتایبەتی ڕۆژهەڵاتی کوردستان و ئێران کرد.
دانا ئەلیاسی تیشکی خستە سەر سیاسەتە دژە مرۆییەکانی ئێران و پەیوەندیی ئێران بە ڕێکخراوە تێرۆریستییەکان و تێکدانی ئارامی و نانەوەی پشێوی لە ڕۆژهەڵاتی ناوەڕاست، هەروەها سیاسەتی حیزبی دێموکرات و ویستی گەلی کورد و گەلانی تری ئێران.
“تووبیاس” باسی لە پێکهێنانی کۆبوونەوەی بەرفروان و گرتنی پانێل کرد کە تێیدا نوێنەرانی پەیوەندییەکانی حیزبی دێموکرات، سیاسەتەکانی حیزب و دۆزی کورد لە ئێراندا بۆ سیاسەتوانانی دانمارکی بخەنە بەر چاو.
هەروەها لەسەر کۆبوونەوە و دیدارێک جەخت کرایەوە لەگەڵ “نیکولای ڤیلمووسن” پارلمانتاری ئەو حیزبە لە پارلمانی ئورووپا.
