ئێوارەی ڕۆژی دووشەممە ١٣ی ئاوریلی٢٠٢٠ی زایینی، کۆمیتەی حیزبی دێموکڕات لە وڵاتی سویس وێبینارێکی سیاسی-تەشکیلاتی بە بەشداری بەشێکی زۆر لە ئەندامانی ئاشکرای حیزب لەو وڵاتە و بە میوانداری بەڕێزان (کاوە عەبداڵی – بەرپرسی ڕێکخستنی گشتی حیزب لەدەرەوەی وڵات) و (شەهریار نەقشبەندی – بەرپرسی ڕێکخستنی هەرێمی ئورووپا و جێگری ڕێکخستنی دەرەوەی وڵات) بەڕێوە برد.
سەرەتای کۆبوونەوەکە بە سرودی (ئەی ڕەقیب) و ساتێک بێدەنگی‌ڕاگرتن بۆ گیانی پاکی شەھیدان دەستی پێکرد.
لە درێژەی کۆبوونەوەکەدا بەڕێز کاوە عەبداڵی باسێکی لەسەر ڕووبەڕووبونەوەی ڕێژیمی ئاخوندی ئێران لەگەڵ پێشھاتەکانی ڤایرۆسی کۆرۆنا و کاریگەرییەکانی لەسەر ئابوری ئێران و پەرەستاندنی کێشەی بژێوی و تەندروستی خەڵکی ئێران، پێشکەش كرد. ھەروەھا لەسەر ئەرک و مافی ئەندامان لە بەرانبەر حیزبدا چەند ڕوونکردنەوەیەکی بە بەشداربووان ڕاگەیاند.
لە درێژەی کۆبوونەوەکەدا بەشداربووان بە ڕەخنە و پرسیارەکانیان چالاکانە لەسەر باسەکان دووان.
لەکۆتایی ئەو کۆبوونەوە سیاسی-تەشکیلاتییەدا لەلایەن کۆڕگێران و بەشە پەیوەندیدارەکانی ئۆرگانەکانی حیزبەوە وەڵامی پرسیارەکان درایەوە.
