رۆژی یەکشەممە ٢٥ی ئۆکتۆبری ٢٠٢٠ی زایینی، بە مەبەستی شرۆڤە و ڕوونکردنەوەی ئائیننامەی کۆنفرانسی هەڵبژاردن، کۆبوونەوەیەک لە ڕێگای ئینتەرنێتەوە بۆ ئەندامانی حدکا لە وڵاتی ئووستورالیا بەڕێوە چوو.
سەرەتای کۆبوونەوەکە بە سروودی نەتەوەیی “ئەی ڕەقیب” و یەک خولەک بێدەنگی بۆ ڕێزگرتن لە گیانی پاکی شەهیدان دەستی پێکرد. پاشان “مەسعود سەمەدی” بەرپرسی کۆمیتەی حیزب لەو وڵاتە وێڕای بەخێرهێنانی بەشداربووان، سوپاسی بەڕێز کاک ئەردەڵان بێهرووزی کرد کە وەک بەرپرسی “رێکخستنی هەرێمی ئەمریکا” ئامادەی کۆبوونەوەکەیە و لەسەر چەند پرسێکی تەشکیلاتی و سیاسی باسێک پێشکەش دەکات. دوابەدوای ئەوە بەڕێز “بێهرووزی” لە سەر نێوەڕۆکی کۆبوونەوەکە دوا و وێڕای باسێکی گشتی لەسەر رێکخستنی دەرەوە و کار و چالاکی کۆمیتەکان، خاڵەکانی ئائیننامەی کۆنفرانسی کۆمیتەکانی بە ووردی خستە بەر باس و بۆ بەشدارانی شیکردەوە. بڕگەیەکی دیکەی کۆبوونەوەکە تەرخان کرا بۆ پرسیار و تێبینی بەشداربووان کە دواتر لەلایەن بەڕێز “بێهرووزی” بەرپرسی “رێکخستنی هەرێمی ئەمریکا”وە وەڵام درانەو.
کۆبوونەوەکە پاش دوو سەعات و نیو لە باس و گفتووگۆی ڕێکخستنی و ڕێکخراوەیی کۆتایی پێهات.
