کۆميتەی گشتیی حیزبی دێموكراتی كوردستانی ئێران لە وڵاتی سوئێد بەبۆنەی كۆچی ناوەختی كاك سەلاح مێهرپەروەر، كوڕی گەورەی كاك باباعەلی مێهرپەروەر ئەندامی سەركردایەتیی پێشووی حدكا لە رێگەی كۆمیتەی شاری یۆتۆبۆری بە گەیاندنی پرسەنامە و تاجەگوڵینە، هاوخەمی خۆی دەربڕی.
سەردانەكە رۆژی دووشەممە 29-03-2021 لەسەر راسپاردەی كۆمیتەی گشتیی حيزب لە سوئێد ئەنجام درا و تێیدا پرسەنامەی كۆمیتەی گشتی رادەستی كاك باباعەلی كرا و سەرەخۆشی لە خزم و كەسوكار و ئازیزانی كاك سەلاح كرا.
شاندەكەی كۆمیتەی یۆتۆبۆری پێكهاتبوو لە بەڕێزان سیرووس رئوفی بەرپرسی كۆمیتە و ئەنوەر مەحموودزادە راوێژكاری كۆمیتە.
دوێنێ یەکشەممە 28-03-2021 سەلاح مێهرپەروەر کوڕی بابەعەلی مێهرپەروەر، ئەندامی پێشووی دەفتەری سیاسی حدکا و کەسایەتیی سیاسيی رۆژهەڵاتی کوردستان، بەهۆی کۆرۆناوە لە هەولێر کۆچی دواییکرد كه رۆژنامەنووسێكی دیاری كوردستان بوو.
