بەبۆنەی ڕۆژی شەهیدانی کوردستان، ڕۆژی چوارشەمە و پێنجشەمە ڕێکەوتی ١١و١٢ـى خاکەلێوەی ٢٧٢١ کوردی، شاندێک به‌نوێنه‌رایه‌تیی کۆمیتەی گشتیی حیزبى دیمۆكراتی كوردستانی ئێران له وڵاتى سوێد بە سەرپەرستيی حەبیب بەهرامی بەرپرسی کۆمیتەی حیزب لە شاری ئێسکیلستونا، سەردانی بنەماڵەی شەهیدانی نیشتەجێى ئەو شارەیان کرد.
شایانی باسە لەو سەردانەدا لەوح و چەپکەگوڵی ڕێزلێنان پێشکێشی بنەماڵەی شەهیدان کرا و هاوکات بەڵـێن و پەیمان بە خوێن و ڕێبازی پاک و کوردایەتیی شەهیدان نوێ کرایەوە.
