رۆژی 2021/10/06 شاندێك بە نوێنەرایەتی کۆمیتەی گشتیی حیزبی دێموكراتی كوردستانی ئێران لە وڵاتی سوئێد بەبۆنەی کۆچی دوایی بەڕێز کاک سەید “ئیبراهیم حوسێنی” باوکی دوو ئەندامی تێکۆشەر و وەفاداری حیزبەکەمان بەڕێزان کاک “فەریدون” و کاک “مەربووت حوسێنی” سەردانی كەسوكار و بنەماڵەى حوسێنی یان کرد.
شاندی کۆمیتەی حیزب لەو سەردانەدا وێڕای گەیاندنی نووسراوەی پەیامی هاوخەمی کۆمیتەی گشتیی حیزب لە وڵاتی سوئێد، تاجە گوڵینەی رێز و پێزانینیان پێشکێش بە کاک مەربووت و بنەماڵە سەربەرز و وەفادار بە رێبازەكەی دێموکرات کرد و هیوای سەرساخیان بۆ بنەماڵەكەی خواست.
ئەم سەردان و هاوخەمییە جێگای سوپاس و پێزانینی بنەماڵەی حوسێنی بە گشتی بوو.
جێگای ئاماژەیە رۆژی 2021/10/04 بەڕێز کاک سەید ئیبراهیم حوسێنی بەهۆی نەخۆشی لە شاری پاوەی ڕۆژهەڵاتی کوردستان کۆچی دوایی کرد.
