ڕۆژی شەممە ڕێکەوتی ٢٧ی خەرمانانی وێبنارێک بە بەشداری ئەندامان و لایەنگرانی ڕێکخستنی گشتیی حیزب لە دەرەوەی وڵات لە ڕێگای تۆڕی “زووم” کە هاوکات لە تۆڕەکۆمەلایەتییەکانی وەک فەیسبووک ڕاستەوخۆ بڵاو دەکرایەوە لەلایەن “حەسەن شەرەفی” جێگری یەکەمی لێبرسراوی گشتی و بەرپرسی ناوەندی سیاسیی حیزبی دێموکراتی کوردستانی ئێران، بەبۆنەی ساڵیادی شەهیدکرانی دوکتور “سادق شەرەفکەندی” و هاورێیانی بەرێوە چوو.
ئەو وێبینارە لەلایەن ڕێکخستنی گشتیی حیزب لە دەرەوەی وڵات بۆ هەرێمەکانی ئورووپا و “سکاندیناڤی” ئامادە کراوبو.
“حەسەن شەرەفی” وێڕای تیشک خستنە سەر هۆکارەکانی بە ئامانج گرتنی ڕێژیمی ئێران هەر لەسەرەتای هاتنەسەرکاری ئەم ڕێژیمەوە هەتا ئەمڕۆ حیزبی دێموکرات باسی ڕۆڵ و کاریگەریی شەهید دوکتور “سەعید” چ پێش شەهیدبوون و چ دوای شەهیدکرانی دوکتور “قاسملوو” کرد و وتی: “ڕێژیمی تێرۆریستپەروەری کۆماری ئیسلامیی ئێران پێی وابوو بەشەهیدکردنی دوکتور “قاسملوو” دەتوانێ حیزب و جووڵانەوەی گەلی کورد لە کوردستانی ڕۆژهەڵات لەنێو بەرێ، بەڵام بێ ئاگا لەوەی کە حیزبی دێموکرات بە کەڵکوەرگرتن لە ئەزموونی ڕابردوو وا بارهاتووە کە لە دوای شەهیدبوونی هەر ڕێبەرێکی، دەیان و سەدان ڕێبەری دیکەی لە خەبات پەروەردە کردووە، کە جێگای ڕێبەرانی شەهید و پێشوو پڕ دەکەنەوە، کە بەحەق دوکتور “سەعید” ڕێبەرێکی تەواو هەڵکەوتوو و ڕێبوارێکی ڕاستەقینەی ئەو ڕێبازە بوو.
هەروەها لە بەشێکی دیکەی وێبینارەکەدا “شەرەفی” تیشکی خستە سەر کردەوەکانی کۆماری ئیسلامیی ئێران لە دەرێژەی تەمەنی نگریسیدا دژ بە تێکۆشەرانی کورد لەهەر چوار بەشی کوردستان و بە تایبەتی تێکۆشەرانی ڕۆژهەڵات و وەک نموونەش باسی دوایین هەوڵی دووژمن کارانەی ئەو ڕێژیمەی بە نیسبەت کوردستانی باشوور و دەستێوەردانەکانی لە عێراق و وڵاتانی ناوچە و تۆپ و مووشەکبارانکردنی سنوورەکان و تەنانەت قووڵایی خاکی باشووری کوردستان کرد و وتیشی کە نە هەرێمی کوردستان هەمان شوێن و جێگای موجاهیدینە و نە حێزبی دیموکراتیش ئەوەیە کە دووژمن بیری لێ دەکاتەوە.
“حەسەن شەرەفی” لە کۆتایی قسەکانیدا وتی” ئێمە خەباتمان بۆ گەیشتن بە مافە ڕەواکانی گەل هەروا درێژە دەدەین و هیچ کۆسپ و تەگەرەیەکیش نامان وەستێنی و هەڕەشە و گوڕەشە کانی کۆماری ئیسلامیش قەت چۆکی نەلەرزاندووین و لەهەمان حالیشدا ڕێوشوێنی پاراستنی خۆمان و بۆ بەرەوپێش چووونی خەباتەکەشمان دەگرینە بەر.
